القصيده :والله اللي بيننـا مقـدر انسـاه
والله اللي بيننـا مقـدر انسـاه=وشلون ننسى اللي نحبـه ونغليـه
كان الغلا والحـب هالـون فرقـاه=لا جمـل الله حـال خلـه وراعيـه
والصاحب اللي صاحبـه ماترضـاه=والله مصيبه ليش لاغـاب يبكيـه
وحب(ن)باليا ساس قلـت حلايـاه=عسى الذهاب يحل في بيت اهاليـه
لاصار مايحفظ من اقصـاه لدنـاه=الله يعـم قلـوب ناسـه ويعميـه
قدام لا ينشر مـع النـاس بلـواه=وحب(ن)كذا لادام وش ينبغـا فيـه
ياشين طبع اهله وياقشـر طريـاه=واللـي مشابـه عـل مالله يهنيـه
ولو ان هـذا الحـب حنـا بغينـاه=مليـون واحـد بالمحبـه نخاويـه
احد(ن)يبينـا ميـر حنـا تركنـاه=حتى الحكي لو يطلبـه مانحاكيـه
وحد(ن)يصـد ونطلبـه ونترجـاه=ولو هو طلب غالي نجيبه ونعطيـه
بس انتمنى كلمت(ن)مـن شفايـاه=ولا زعل جينا انبوس عينه ونرضيه
نشوف زينـه ونتجاهـل خطايـاه=ومنه الخطا مثل العسل يوم يخطيه
ومن باعنا بالرخص بالمثل بعنـاه=وحبل الوصل من دون لاماه نطويه
جاك القصيد اللـي تسببـت مبـداه=وضيقت بال اللي من اجلك مسويه
وعرف ليا منا القصيـد استلمنـاه=باقل وقـت انكونـه فـي معانيـه
نازن حروفـه وان تجمـل بمعنـاه=حتى يهيض فـي معانيـه قاريـه
