القصيده :النفـس لشفتهـا ضاقـت أوسعهـا
النفـس لشفتهـا ضاقـت أوسعهـا=وعزاي شعري انا لاضاقـت أخلاقـي
وأضحك ولوكان نفسي شئ موجعهـا=كني على الهرج قدم الناس مشتاقـي
وأخاف من ضيقت(ن) للناس أطلعها=ويقال وشي منـه وتقلـب أوراقـي
وتكشف لناس خبيثات(ن) طبايعهـا=ناس(ن) لكشف السراير تبرق أبراقي
وأخفي أمور(ن) عسى ربي يسنعهـا=رب(ن) كريم(ن) بحال العبد شفاقـي
خـلاص دنيـاي مابغاهـا وبايعهـا=شبعت منها غثاء وهمـوم وأفراقـي
جربـت دنيـاي والاحـداث أتابعهـا=واللي مضى مر والله يعلـم الباقـي
وعزي لنفس سموم الوقـت لايعهـا=وعزي لمن ذاق مثل خليف ماذاقـي
ناس(ن) ليارحت عنهـا ماتودعهـا=وناس(ن) لجل عزها تاقف على ساقي
وناس(ن) ترجى من المعبود يقلعهـا=تحط بينك وبيـن علومهـا رواقـي
وناس(ن) لوأبطيت عنها ماتقاطعهـا=لورحت عنها لها ألأذكـار تنساقـي
وجب الحطب يافهـد والنـار ولعهـا=وأحمس لنا بن وأبعد عنها الحـراق
بريت(ن) من جبل صنعاء مجامعهـا=والهيل مافوقه أغلى وسط ألأسواقـي
وسجل كلام اللذي دنيـاه صارعهـا=ساق القدم مع طوال الطرق سواقـي
والنفس قشراء وتنكب من يطاوعهـا=في بعض حاجات وأيضا الوقت دراقي
كم دهورت واحد(ن) بالكيف يتبعهـا=وخلت له أهل العلوم الشينه ارفاقـي
واللي علومـه لاخلـق الله يالمعهـا=لو الظلم الليل يجلا الليـل الاشراقـي
