القصيده :ياللي تصفح بالصحف والمجـلات
ياللي تصفح بالصحف والمجـلات=وش أستفدت من أتصفـح وراهـا
أقراء بسيرت من عليه الصـلاوات=سيرت رسول(ن)ماخسر من قراها
اللي لها بالدين صولـه وجـولات=وغزواته اللي في حياتـه غزاهـا
وأصحابه اللي ينطحون المهمـات=ويمشون معه دروبه اللي مشاهـا
أجمل قصص بالعمر وأجمل روايات=بالعز ترفع راس شخص(ن)رواهـا
ماهي روايه لجل شهـره ولـذات=وسوالف(ن)ماينعـرف منتهـاهـا
رواية اللـي مرسل(ن)بالرسـالات=اللي جموع الكفر شتـت عصاهـا
جاهد ولجل الدين خلى المسـرات=ليـن أن مكـه والمدينـه حماهـا
وجاره غفر له كـل غلطـه وزلات=وهو يهودي غلطـت لـه نساهـا
وأجمل قلم وأجمل مقال وكتابـات=اللي مواضيع الرسـول أحتواهـا
اللي علومه تنعش الروح لاجـات=وتعطر الدنيـا وتشـرح فضاهـا
وعلوم ماهي علوم زيف وخرافات=الله رضى فيهـا وخلقـه رضاهـا
وأمة محمـد خصهـا لله بالـذات=أخيـر أمـه والله اللـي عطاهـا
