القصيده :البارحه ونيت لي خمـس ونـات
البارحه ونيت لي خمـس ونـات=ونيت وانت مـن وقـع بالظليمـه
وشاف القهر قدام عينه ولا مـات=وبقى الحياه بدون حشمه وقيمـه
حاول باظلم(ن)مانفعت فيه حيلات=يبي براءته مير صـارت عقيمـه
وعزي لمن مثلي من الضيق مابات=كنه على نيـران معمـل رحيمـه
بعد كشفت اوراقي اللـي قديمـات=وقريت بوراقـي قصايـد قديمـه
نعيت وقت(ن)فات لو كان مافـات=كانت لياله فـي حياتـي هزيمـه
لكن لـي معهـا ليالـي جميـلات=وذكرى بقت في وسط قلبي مقيمه
ولها بعد بالارض باقـي علامـات=مثبته بـالارض مثـل الوسيمـه
ومكانها بيـن الجبـال الطويـلات=هاك الجبـال النايفـات العظيمـه
لاجيتها لو هـي دهور(ن)خليـات=امشي ونفسي من خلاها سقيمـه
وسج ببحـور الهمـوم العميقـات=مثل الذي حظـه رمـاه ابجريمـه
ياقلب خل اللي مضى سر وسكات=لاتكشف الاسرار لا اهـل النميمـه
اهل النفـاق مفرقيـن الجماعـات=اموزعين الهـرج فـوق الوليمـه
وخاو الذي له طيب الفعل عـادات=اللـي دروبـه كلهـا مستقيـمـه
رجل(ن)اله بالطيب ماقف ورايـات=من رافقه مايشكي الوقـت ظيمـه
مشهود له بالضيق وقفه وفزعات=كل(ن)شهد مـدت يديـه الكريمـه
ماهو من اللي كل طيبـه دعايـات=اللـي يحالـي بالفعايـل حريمـه
اخذتلي مع مامضى خمس ساعات=وسجت فكر مع ذكريات(ن)اليمـه
جابتني لك ظروف وقتي والازمات=وهقوات نفس(ن)قبل كانت غشيمه
