القصيده :بلوتـوث .. الشحـاذه
السلام عليكم ورحمة الله وبركاته :
اقدم لكم هذه القصيده الإجتماعية
التي تحدثت فيها عن مشكله كبيره تواجهنا في مجتمعنا منذ زمن طويل الا وهي مشكلة (( التسول )) .
ارجو ان تحوز على رضاكم .
(( التسول بالبلوتوث ))
جانـي وانـا جـالـس بقـسـم العـيـادات=بلوتـوث مرسـل فيـه رقــم التليـفـون
ومـع الرقـم مـرسـول عــدة بيـانـات=اسـم \"\" مـره \"\" والعمـر سبـع وثـلاثـون
ولهـا .. ثـلاث اعـيـال .. واربــع بنـيـات=والــزوج متـوفـي .. ومطلـوب(ن) اديــون
وتحـت الرقـم مكـتـوب عــدة كلـمـات=\"\" تكفون يااهل الخيـر مـدوا يـد العـون\"\"
جانـي وانـا فـي قسـم الاطفـال بـالـذات=بالـدور الارضــي .. انتظـرهـم يـنـادون
وقمـت اتلفـت بـيـن هــاك المـمـرات=ناس(ن) تجـي فيهـا .. ونـاس(ن) يروحـون
اقـسـام مختلـفـه .. وطــرق .. ومـسـارات=قلب .. وجراحه .. واذن .. وعظام .. وعيون
واحتـرت .. ويـن الـي يـدز الـرسـالات ؟=وياهـل تـرى بالله مـن يمكـن يـكـون ؟
ولالـي وسيلـه غـيـر كـثـر التلـفـات=ليـن ان بعـض النـاس قامـوا يشـكـون
وقلـت اتصـل بـه واختصـر هالمسافـات=لـكـن عسـاهـم باتصـالـي يـــردون
ودقيـت رقمـه خمـس .. او ســت مــرات=ابطـت .. وقلـت ابنتـظـر لـيـن يحـكـون
وردت بصوت(ن) غير عـن كـل الاصـوات=صوت(ن) حزين .. وصاحب الصـوت محـزون
وسألـت .. وش بــك بالعـيـاده سـلامـات ؟=قولي عسـى ماشـر مـن ويـش تشكـون ؟
قالـت .. ابـد امــور واشـيـاء خفيـفـات=وعسـى الجمـيـع بـقـدرة الله يطيـبـون
قلـت .. ايـه هــذا حـكـم رب السـمـاوات=الواحـد الـي بقـدرتـه سـيـر الـكـون
تبغـيـن شــي .. اسـاعـدك .. اي خـدمـات=تحـت امركـم قولـي وش الـي تـريـدون ؟
قالـت .. ابــد مشـكـور ياطـيـب الــذات=وشكلـك مـن الـي بالـلـوازم يـسـدون
انـا غريبـه مــن اديــار(ن) بعـيـدات=ومعـي دراهــم .. مـيـر عـيـوا يكـفـون
وانـت تعـرف هالعصـر عصـر اتصـالات=وابغـي بطاقـة شحـن تكفـى ولاتـهـون
وعطنـي افلـوس انـا عـلـي التـزامـات=مصـرف لـورعـان(ن) وراي ايتـحـرون
وسـدد حسابـي عـنـد كــل البـقـالات=عطـهـم دراهمـهـم عسـاهـم يـولـون
قلـت .. ابشـري والطيـب موجـود مـامـات=واهـل الـردى يـاالله عساهـم يـزولـون
لـكـن!! طـريـق مجمعـيـن الـريــالات=الـي علـى الشحـذات دايــم يعيـشـون
الــي نواجهـهـم بـكــل الـمـحـلات=بالـسـوق .. ولا بـالاشــارات يـقـفـون
وعنـد المساجـد خـص وقـت الصـلـوات=عـلـى المـداخـل والمـخـارج يكـونـون
يــذون خـلـق الله بكـثـر الطـلـبـات=ويستضعفـون لكـل صـاحـي ومجـنـون
ماابـيـه .. لانــه درب غــش وحـيـالات=واكـره جميـع الـي بهاالـدرب يمـشـون
يابـنـت .. ماتمـشـي عـلـي هالحـركـات=ولانـي مـن الـي بالسهـولـه يطيـحـون
لكـنـي ابنصـحـك .. وعـنـدي ارشــادات=وانصـح جميـع الـي بدربـك يسـيـرون
تـرى التسـول يدخلـك فــي مـسـارات=راحـوا بهـا ناسـن .. وعـيـوا يـعـودون
ويدخلـك فـي عالـم غـريـب .. ومتـاهـات=سكـه وكـل الــي سلكـوهـا يضيـعـون
واخــر نتيجتـهـا نـدامـه .. وحـســرات=ونزع ابركـه .. والحـال مـن دون فـي دون
ويالـي تبـي درب الشـقـاء .. والاهـانـات=اعلـم تـرى مايحـكـم الـنـاس قـانـون
بالنـاس نـاس(ن) تفعـل الخيـر بسـكـات=ونـاس(ن) يمنـون العطـاء يـوم يعطـون
ولاينفـع الانسـان بـكـره الـيـا مــات=لـو يجمـع المليـون مـن فـوق ملـيـون
يمـوت ويحاسـب عـلـى كــل مـافـات=ولاينفعـه لــو قــال للـنـاس تكـفـون
يسـأل عـن الامــوال عــدة ســؤالات=منيـن جبـت الـمـال هــذا ؟ ووشـلـون ؟
ومهمـا بـذلـت الجـهـد .. والمستحـيـلات=الــرزق عـنـد الله مـقـدر ومضـمـون
وتـرى القنـاعـه .. والصـبـر بالملـمـات=ترفـع مقـام الــي يـبـون ويـصـدون
وتـرى الطمـع سـر الامــور الـرديـات=والله يـشـوف الــي لخلـقـه يغـشـون
ويامستحق .. الناس تصرف زكاوات=والمستحق يعطى من الي يزكون
فرض(ن) فرضه الله ولابه مراوات=لاهل الزكاه الي فقط يستحقون
هـذي نصيـحـة .. كلـهـا عــدة ابـيـات=لاهــل التـسـول علـهـم يستـفـيـدون
ويامسلـمـه .. للـصـدق تطـلـع عـلامـات=وللـكـذب مـدلـولات لـلـي يـعـرفـون
وتقبـلـي مـنـي ســـلام .. وتـحـيـات=اجـمـل تحيـاتـي وشـاكـر .. ومـمـنـون
ومـن حينهـا .. قــررت قـطـع العـلاقـات=ومـاارد .. لـو عشـريـن مــره يـدقـون
وسلامتـــــــــــــــــكم
