القصيده :ياليتني من مالكين الملايين
ياليتني من مالكين الملايين=وبالعاصمه ياليت عندي عماره
ماخذت فيها دين وقضيه بعدين=ولاهي سكن مبنيت(ن)لتجاره
فيها الشقق من فوق سبع وثلاثين=وحط باعلا دور مجلس واداره
وفي دورها الارضي ورود وبساتين=ورخام روزه صاطع(ن)في حماره
وثاثها مجيوب من وسط برلين=احدث ماجاب مهندسين النجاره
وحط فيها للهوامير بيتين=بيت(ن)يمين الباب واخر يساره
وفي كل عام اطلع زكات المساكين=اللي يحسبون الذبيحه خساره
عمارت(ن)تصميمها يعجب العين=تصميمها تصميم مبنا وزاره
وجيب وهمر وبنز وسوبر اثنين=وسواق ملمس باليدين الاطاره
واراضين ماهي باوحده وثنتين=امخطط(ن)كامل ملكته وحاره
والحرمه الاولى لها صك بيتين=والثانيه بيت(ن)رفيع المناره
والثالثه في بيت في حي حطين=احدث مديل(ن)بالبلـد والحضـاره
والرابعه بنت(ن)لها يسجد الزين=ولا تسكن الا في بيوت الاماره
وادري بمخراجي مدخالي امنين=بالسوق كله اسهمه مع عقاره
ولاطرد ورا عشره وخمسين والفين=ومن الخساره ماشفطت الزقاره
ولاهرج اللي خلص العمر بالدين=اللي فعل يمناه سبب دماره
اللي سكن في هجرت(ن)جوها شين=ويالله ملك بالعمر دادتسون غماره
