القصيده :هلا هلابك يامسا الخير والنور
هلا هلابك يامسا الخير والنور=ياروح روحي والعيون ونظرها
يامن بقلبي لك بساتين وقصور=وحدايق(ن)قام يتطاول شجرها
عساك دايم ياهوا البال مسرور=وحياتك الله بسعاده غمرها
ياللي الك بالقلب همسات وشعور=همسات حب(ن)قام ينضج ثمرها
ياصاحبي على البطى ماانت معذور=الا بظروف الادمي ماقدرها
وان غبت يالغالي من ظروف مجبور=غيبتك قبل تغيب عطني خبرها
لابقى بغيابك ضايق البال محشور=والنفس لوعات الغياب تحشرها
لاغبت كن الكون مخلي ومهجور=والارض غابوا قدم عيني بشرها
واون ونت من مع الساق مكسور=ونت كسير(ن)كسر رجله عثرها
كسر(ن)بليغ ولانفع فيه دكتور=ومن السقم نومه عيونه هجرها
عليك ياللي عندك القلب ماسور=وعليك كلمات الغلا مختصرها
