القصيده :الله من قلب(ن)عنـا الوقـت يبـراه
الله من قلب(ن)عنـا الوقـت يبـراه=قلب(ن)براه من اقشر الوقـت بـاري
الوقـت ضـده والليالـي تـحـداه=وفيه العنـا والهـم بايـع وشـاري
والحـظ زاد القلـب بالفعـل بلـواه=وصبري نفذ مافاد طـول انتظـاري
للصبر حد أن طـال وقـت المعانـاه=ماهي سوالف جمع مـال ومصـاري
منهو فعـل شر(ن)جـزا الله يلقـاه=مايكون شئ الا الولـي عنـه داري
يالله ياللي كـل مـن ضـاق ناجـاه=يافارج(ن)ليـّوُب عقـب الـعـزاري
ياعالم(ن)بالغيـب ماشـي يخـفـاه=والنفس يقـرأ غيبهـا والطـواري
تفـرج لعين(ن)نومـهـا ماتهـنـاه=وقلب(ن)له باليـوم مليـون طـاري
وقت(ن)تغيـر بتجاهـه وممـشـاه=درب اليمين اليـوم حـوّل يسـاري
وصارت طيوره تشتبه فـي مزايـاه=تـرم الرقيعـي تحسبنـه خضـاري
وبعض الرجال يقول هرجـه بعميـاه=ومن كثر مايكسح على الكسح ضاري
والرجل واضح ينعرف مـن حكايـاه=الحكـي لرجـال عـرف ومــواري
ومن مايعز وتفعـل الطيـب يمنـاه=عسى طريقه فـي طريـق أنتحـاري
ولصار متسـاوي مماتـه ومحيـاه=ودك تحذفـه فـي خلـي البـراري
والطيب قـول وفعـل ياللـي تمنـاه=وعزي لمن ذكره من الطيب عـاري
ويلام من يقـدر ولا الطيـب سـواه=ولا تنقبـل غيبـه بليـا أعتـذاري
الطيب ضلع طويق صعب(ن)معـداه=صعب(ن)على من هاب درب الخطاري
ودربيـن معروفيـن مابـه مـراواه=طيب وردا والرجـل حـر إختيـاري
يمشي على ماتـود نفسـه وتبغـاه=ممشا ظـلام الليـل غيـر النهـاري
والطيب حسنه وأكرم الله من أعطـاه=والا الـردا سيـّه وجو(ن)غـبـاري
وكل(ن)على فعله ليـا مـات يجـزاه=والله خلـق للنـاس جنـه ونـاري
ومن ماطلب ربه وفي دينـه ارضـاه=العمر ماهـو دايـم الـدوم جـاري
ياللي تشكـى مـن زمانـك وذكـراه=الوقـت عبـره والليالـي مسـاري
كم واحد(ن)ماجت على الكيف دنيـاه=دايـم وحظـه بالحيـاه أنـحـداري
وترا الزمـن ماهـو بكيفـك تمطـاه=إن طاعلـك والا تطيعـه اجـبـاري
يا كم حساب(ن)دون الاخطا حسبنـاه=وفيهـا وقعنـا ماحمتنـا المـداري
والادمـي أن كـان مـا ربـه أذراه=ماعاد له عـن دبـرت الله مـذاري
