القصيده :هالليل منزوع خلق وضايق(ن)بالي
هالليل منزوع خلق وضايق(ن)بالي=من جور دنين تحداني لياليها
امنين ماروح معي الضيق يبرالي=ضيق(ن)غدا عادت(ن)مقدر اخليها
ولو قلت مافي في الناس تهتالي=والبير جفت ودلوي وين ادليها
وارضي دهور وجفاف وبرها خالي=ومع والدهر والجفاف الحقد ماليها
وماكنت راجيه فيها ماتهيالي=وعزيت عنها من اولها لا تاليها
لعل دارن ماهي لطيب منزالي=ينهد بنيانها ويقل واليها
وتصير للبوم والغربان مدهالي=لاصار ماتستر العاني وغاليها
ماكل من لبس ثوب وبشت وعقالي=طال المراجل وشامتله معاليها
الطيب قول وضمان القول الافعالي=واقوال(ن)بلا فعل مالله محليها
لاجيت ابا رقا براس النايف العالي=جلست نفسي على مرقاه اماليها
ورجعت دونه من الوحده يوحالي=والنفس همي بامقلا النار قاليها
ماقلت انا الشعر لجل تقيم امثالي=شعري هواء النفس لا ضاقت يسليها
