القصيده :رساله .. عبسيه .. الى جميع سفراء القبيله المشاركين في برنامج .. شاعر المليون
هذه رساله اهديها الى أي شاعر يشترك بشاعر المليون
من أبناء القبيله .. وقد قلتها عند تأهل اول سفير لعبس
بشاعر المليون وهو الشاعر / ثنيان سرور .
والشاعر/ مشعل النون .
ياشاطي الراحه عليك العلم رف =علم قبيله وسط شبه الجزيره
تحت قيادة خادم البيت الاشرف =كانت كبيره واستمرت كبيره
قبيلة من ماض الازمان تعرف =ماهي حديثة سن ولا صغيره
ايضاً وحتى بابجديات الاحرف=ترتيبها الاول وليست اخيره
بني رشيد الي لها الكل ياقف=بوقت(ن) مضى يوم العصور المريره
سلالة من عبس تنهل وتغرف=من قبل نور الدين ياتي بشيره
قمة شرف واطهر من الطهر وانظف=من السحاب الي شربنا غديره
سفيرها فك الخطاب المظرف=واعلن على العالم بداية مسيره
سفيرها شاعر ويزرع ويقطف=ورد القصيد الي يفوّح عبيره
ياشاعر المليون جيناك نزحف=زحف الجيوش الغازيات المغيره
اقفى زمان الرمح والسيف الارهف=وصار المواجه في رسايل قصيره
ومادامها بخشم الريال المصرف=اية قمر يرسل رسايل نديره
وحنا ماجينا نشكي الفقر والحف=جينا نشارك هالجموع الغفيره
ولا همنا الف(ن) على الف(ن) يولف=مليون درهم كنها ربع ليره
حنا اليا دار الزمن والدهر جف=واقفت علينا المعضلات الخطيره
والسير دار ودار ثم(ن) توقف=والعلم ضاع وصار بالامر حيره
حنا الملاذ لكل من خاف وارجف=وحنا النظر لاهل العيون الضريره
وختامها اسمع ياالسفير المكلف=رسالة من قلب شبه الجزيره
حنا معك صف(ن) يجي خلفنا صف=كلن صفط نفسه سلاح وذخيره
ان فزت بالبيرق ترانا انتشرف=ونشكر ابو ظبي الثقافه واميره
وكانه تنحى عن طريقك وطرف=يعطى لغيرك وانت ترزق بغيره
