القصيده :هذي قصيده .. عيت تكتمل !!!
.
السلام عليكم ورحمة الله وبركاته :
عندي قصيده لي ثمان اشهور عيت تكتمل=اديرها وافرها ويالله عسى لو نص بيت
ارهي عليها واستمر معها ويلحقني زمل=واقف واخير وانسحب عنها واخليها تبيت
المسأله ماهي فقط جمله ويتبعها جمل=المسأله تبغالها مخ امتفرغ كمبليت
ماهو بمثلي منشغل بالبيت وهموم العمل=اشغال تبدا من صلاة الفجر لامني صحيت
ياصعبها ياقشرها ياكثرها كثر النمل=ادبك وراها منشغل وانام وانا ماقضيت
مثلي مثل غيري وانا والناس يحدونا الامل=نسعى وراء الدنيا سعي ، سعي الشجاع المستميت
سكه ولاكن من سفرها لانكل ولا نمل=يسلم بعضنا والبعض يصبح عليه الصبح ميت
والي سلم مامات يجرح جرح صعبن يندمل=الجرح لازم تنجرح رضيت ولا مارضيت
دنيا بها جمعاء شمل وايضاً بها فرقاء شمل=جميع مافيها ابتلاء وانا احمد الله لابتليت
هذي هي الدنيا كذا جميع مافيها ممل=الا عبادة واحدن يحيي اليا اراد ويميت
عبادته هي وحدها الدرب السليم المشتمل=على الصفات الطيه وامشه اليامنك مشيت
الدرب صعب وبه حمل يسهل على الي يحتمل=والي مايقوى حملته يطيح في شرن مقيت
وهذي هي الي لي ثمان شهور عيت تكتمل=كملتها يوم استعنت بربي الفرد ونويت !
