[ماغير اناوياك....]بقلم:عبيد دعيع القلادي: [مجاراتي الشاعر مبارك نافع]بقلم:عبيد دعيع القلادي: [فر وكر ومنوشات ساخنه]بقلم:عبيد دعيع القلادي: [قصيدة عبيد الله دعيع وردي عليه]بقلم:عبيد دعيع القلادي: [اهددددداء ]بقلم:أحمد عبيد الهنيدي: [نفرح بخوة كاسبين النواميس ]بقلم:عبيد دعيع القلادي: [يازعل لامنك بليت بحب عمهوج ن صغير= اقببل عليك بزينه يزم العواطف كلها ]بقلم:أحمد عبيد الهنيدي: [الـبارحـه ]بقلم:الجريح: [منوعااات]بقلم:أحمد عبيد الهنيدي : [رد على عبيدالله دعيع القلادي الرشيدي ]بقلم:الجريح :
التسجيل الآن
جـيـت السناف مسلم عـبـدالله الحمد يخاطب عـايـد السندي بهـذه القصيده ويصف فيها رحله بريه قـام بها يـرافـقـه فيها نجـاالرشيدي فـيقـول مسـلـم عـبـدالله الحـمـد --------------------------------------- ســلام يــالـلــي طـيــبـاتـن مجـانـيه = عساك باانعـام الكـريم الـوسيعــه اطلب من اللـي مـايضـيع مـنـاجـيـه = يـرفع مقـامـك بـالحـيـاه الـرفـيعـه لـواجـتهـد بـالطـيـب عـايـد مـاوفـيـه = سابق بطيـبه والوفـاء من صنيعه وابا اعـتـذر يالله عسى العـذر يرضيه = عـن غـيـبـتي ولياسمحـلي نفيعـه وانـا شـريك الـواحـدن تعـتـزي فـيـه = اللي يقـوم بطـاعـتـك اوتطـيعــه عشـيـرك اللـي من قـديمـن مخـاويـه = عشرت شرف ياحافظين الوديعه وانـا لقـيت اللـي لـقــيـتـه وازكــيــه = واف الخصايل والوفاء له طبيعه مـدري مصـافـيـني والاانـا مصافـيه = ميـرالـوكاد انـي بغـيـره مـابيعـه جهـزت للفـرجه واباامشي مماشيه = لقـيت نجـم سهـيـل يفرق لميعـه دنـيـتـله من صنع طـوكيومصـفـيـه = جكسار يسبق قـاذفـات الـوليعـه سبعه وراء اللفـين يشـوش راعيه = لياصـاربالطـريق رمـله وقـيعــه الصبح من دار اخـومـريم معـنـيـه = والعصـربين العـيـثـمه والوريعه النـاس مـع الـنـاس كلـن وعـانـيـه = قصـدي ازور مطبقين الشـريعـه ولقيت مايطري على القلب ماضيه = بين الشعاب وبين ظلعه وريعـه كـم مــرتـن قـطـعــانـا دوجـت فـيـه = امابـوقـت القـيـض والاربـيـعــه وجيت السناف اللي سمعتم بطاريه = اللي تعـشـتـبه سـباعـن مجيعـه ايمن من العقـله لياصـرت ناصـيـه = فـي عبلتن راع الهدف مايضيعه ارسوم قـومــن مابقـا الا مسـمـيه = يوم السنين الماضيات الشنيعـه هـاذي عـلـومي والـدليـلـه مـقـديـه = دليـلتـي نسـل الـرجـال البـتيعــه نخـيـت ابوفيصل ولاخـاب نـاخـيـه = اللـي على الشـدات يدخـل منيعـه وخــتـامـهـا ازكـا صـلاتـن نصـليـه = على النبي الهاشمي هـوشـفيعـه طبـيب نفـسـي عايد السندي يرد على مسلم عبدالله الحمد بهذه القصيده ويـذكرفي قـصـيدتـه نجـاالـرشيدي ----------------------------------------- سريـاقـلم وأكتب جـوابن منقـيـه = تخـيـر الجـزلـه وخـل الوضيعـه رد السـلام لمــن نحـبه ونـغـليـه = مـن روس قـومن ما دخلهـم نزيعه حيـيت يــاللــي طـيـباتـن مبــاديــه = حيـيت يانجـل الحصـون المنـيعــه ساسه على طيب الـرجـالـه مربـيه = ورث الجـدود ولا خـذاهـا بـديعـه طبـيب فــاهــم كل جـرحـن يـداويـه = وطبـيـب نفسـي للنفـوس اللكيعـه كـل العـلـوم الطيـبه تجـتمع فـيـه = يا سعـد منهـو بالمـواقـف فـزيعه نجـل الفهـود اللــي عـدوه يـداريــه = حمـر الـوقـايع فـي نهار الوقيعه خطلان الايدي كان كثرت عـزاويه = ضربة ايديهم في عـداهم وجيعه مسلم لمن يسال عـن الطيـب يفـتيه = بدرن سطع فوق الكواكب لميعه حـرن عـلى العليا بعـيـده هقـاويـه = حـاز الـرجاله والشهـامه جميعه وعـشـيـري اللي قـلت ربـي يحيـيه = غـمرن تجـي نفعات طيـبه سريعه والنعـم ابو فيصل الياحـل طــاريــه = بالفعـل وافـي والمـواقـف فـظيعـه الله عـلى حسن الصـداقـه يجـازيـه = اللي عـن الهفـوات نفـسه رفـيعـه امـا السناف اللـي بقـى فعـل ماضـيه = يـوم الجهـاله والعقـول الصديعه يـامـا غـدا فـيهـا رجـالـن مــداليـه = روسن بها القرضاب تسمع قـظيعه فـيهـا ردي العقـل يـذبح عـوانـيـه = اطلب مـن المعـبـود يـقـلع قـليعـه خـلـه عـســاهـامـا تعــود لـيـالـيـه = اللـي بهـا ظيم وظـلام وقـطيعــه واليـوم دورن شـابعـاتـن حصـانيـه = امـن وامان ولا عـليـنا هـزيعـه الناس في نعـمه وبهجـه وتـرفـيـه = وابطـونها من فضـل ربي شبيعه كلـن عـلى كـيفـه يـزيـن مـبـانـيـه = ويـدينهـم على الكـرم مستطيعـه واسـلم فـداك النـذل واللي يمـاشـيه = حلوين الالسن في اسلوب الخديعه وصـلـوا عـلى خـير البـريه بـتالـيه = عــداد هـتــافــن تــزايــد هـمـيعــه ينصاء العـلـم نجـاالـرشـيدي يجـاري بهـذه القصيده مسلم الحمـد وعـايدالسندي --------------------------------------- البارحـه طارن على القـلب طـاريـه = هيظـني البـارق وكاشـف لميعــه اخـيـل بـرقـه وين حـروت حـراويـه = جعله على هاك الديار الـوسيعــه يمطـروفـيهـا يابس القـشـع يحيــيـه = تطـلع طـواليعـه وينـبـت نـقـيعــه سيله سمـاك وقـبـلـه الوسم مسقـيـه = منه المدامث والمسايل شبـيعـه وبـيحـت مـاكـنيت بـالصـدرمخـفــيـه = وراحـت خـوافـن بالظمايرمـزيعـه اســباب قـافــن شــوقـتـنـي معــانـيـه = شــب بمـعـاليـق الظـمايـرولـيعـه يطـري زمـانن فـات مـاني بـنـاسـيـه = يوم الزمن وقـتـه يصارع صريعه ودنـيت مـن يـبعـد مصابح مسـاريـه = درب الوعـرعنده خطوطن سريعه مـن معـرضه تــوه جـديــدن مـنـقــيـه = كـمـل تـمـاريـنـه وجـهــزدفـيـعــه منـوت بعـيـد الـدارفـي شـوف غـاليـه = ولاغـريـبـن شـاف ظـيم وفجـيعـه نـاون على قـطع المسـافـات شـاريـه = ماهوبمحدودن على السوق بيعـه يمت غـروب الشمس ديـرة مشـاهيه = دلـيـلـتـه هـوسايقـه عـن مظـيعـه يـفــزفــزت مـن تـعـلـت هـقــــاويــــه = يشـبـه نـداويـن طلع لـه طـلـيعــه يـهــوي كمـاجـولـن سمع حس رامـيه = منجــدن لـديـار نجــد البـديــعــه قـشـط الحصـا مـن تـايـره يـوم احـلـيـه = تـقـل رصـاصن بالمداقـرقـظـيعـه ينصـا العـلم والفـرس والبـدع ياتـيـه = وينصا الثمد وابيض حـراوي مريعه يشفـق على خـوت خـوين يـبـاريه = مانسب عـن ساسـه بربعـه خـديعـه مسـلـم وعـايـد مـنـوتـه فـي تـمـنـيـه = خـوت عـزيـزين النسب والطبـيـعـه الـكــل مـنـهـــم طــيــبـاتــن مـبـاديــه = حـلـويــن سـمــن للكـبـود الـوجـيعـه اشفـق على راع النوامـيس واغـلـيـه = وابغـض هل النمه وساس القـطيعـه رفـقـت عـريـب السـاس تـرفع معاليه = اخـيـرمـن رفـقـت وجـيهــن لكـيعــه بقلم : الاسم نجا مفلح الرشيدي
