القصيده :الله من قلب(ن)من العام من صـاب
الله من قلب(ن)من العام من صـاب = صبـر وصبـره مابقـا الا سريبـه
ماباقي الا يشـرح الوضـع بكتـاب =عـن ثعلب(ن)دايـم يـذب الجذيبـه
السيف اله يالذيخ بالضيق مقضـاب= ولاكـل ناس(ن)يالضعيـف اتعديبـه
شيـوخ قـوم ولانتـردد ولانهـاب= وملجـى بعـد رب البشـر يلجيبـه
خلك صبور ان جت من ادنين وقراب = ماهي عليـك مـن القريـب غليبـه
ابعد عن البلشات ودروب الانشـاب= لاشفـت بالموضـوع شكـه وريبـه
وترا حلات الرجل بالعمـر لاطـاب =ون خاب والله فـي حياتـه مصيبـه
والمشكلـه لوكـان مافيـه مجنـاب = وتجلس جبر منك المشاكـل قريبـه
لاكان ربـي فاتح(ن)للفضـا بـاب = سوق القدم والـرزق ربـك يجيبـه
وان ماحصل عنها مجنب ومهـراب=ارم الهدف وحرص على انك تصيبه
ولاتستمع من هرج جابـان وذنـاب= اللـي علـوم الخبـث دوم تحكيبـه
وكم واحد(ن)يفتل طويلات الاشنـاب= ولاجـا كـلام الصـدق ماينغزيبـه
وكم واحد(ن)لضيف مايفتـح البـاب= ويشوف عيب الناس ويكـب عيبـه
ولاينكسب طيب(ن)بلا فعل واسبـاب= وليل الظـلام اقشـر ولا ينسريبـه
ولاتامـن الحيـه ولاتامـن الـداب= والذيـب ليـل الجـوع يصدرقنيبـه
