القصيده :م على اللي ماتجمل بيسراك
سلام ياللي جعل الانذال تفداك=يالشامخ اللي مثل هضبت طميه
من اي ناس تكون شعري تنصاك=طارن طرى من ضيقت البال ليه
لوطبت مره بس وحده بدنياك=في وقفت(ن)حليت فيها قضيه
عندي انا ياطيب الفال كفاك=حتى ولو جيتك ولا طبت فيه
سلم على اللي ماتجمل بيسراك=لا بالسان ولا مواقف حميه
مشكور ياللي تكتب المدح مناك=وسام منك وعندي اكبر هديه
ابا امدحك لكن ماني بوياك=حصر المدايح فيك يصعب عليه
يسراك ماتدري عن انفاق يمناك=لنك من ابنا شيوخ نجد العذيه
شف الشعر وشلون من بعد ناجاك=في خطته وسراره الداخليه
على النقى والعز والطيب حياك=ماله ورا ثلاث قصدن ونيه
نطق السان ونيت القلب تخفاك = والله عــلــيــم الـبـيــنــه والـخــفــيــه
ويمكن من القراب تطلع لك أعداك=وكل الحياه تذوق منه الاذيه
وتموت ماجيته بابيته ولاجاك=ويفرح ليا شافك بحاله رديه
وفي كل مجلس بالمسبه تقفاك=ونفسه على نهرك وسبك جريه
لو أنت ماتبخل عليه بعطاياك=يبحث خفاك ولا يشوف العطيه
ويمكن بعيد الناس بالفعل يرفاك=وياقف معك بالهينه والقويه
من ماسمع في حزت الضيق شكواك=وقت الرخا كل(ن)غني عن خويه
واللي تشوف مناه بعدك وفرقاك=أبعد عنه لو عشت بارضآ خليه
أبعد عن الا نذال قربك وممساك=لو رحت في دار المعزه ضحيه
وأحسن بامن حولك وربعك نواياك=.والله مع اللي عاش في حسن نيه
وأصبر ورب الخلق بالخير يجزاك=كم واحدن شاف الفرج من وليه
يالادمي لو تحترص من خطاياك=ان ماحماك الله وطيت الخطيه
أمش بطريق الصدق والله يحماك=ومن الخطايا النفس ماهي بريه
ويالشعر أنا في بعض الايام لولاك=ضاقت عليه من جميع النحيه
لولاي أجر الصوت وسرج مطاياك=وفيك أتوسع عن همومي شويه
ماقام حظي لا هنيا ولا هناك=ولا سقت مع صف النشاما المطيه
ولو ماحسبت حساب منا ومناك=عشت العمر من دون دار وهويه
ويادرب يادرب الردا مامشيناك=ونفوسنا عن رفقت أهلك غنيه
ويالازام اللي بالعسر ماقضيناك=ماانت بشهاده لنفوس الدنيه
يالازم أنقوم بك لا من قدرناك=ونجعلك يالازم بوجهك هديه
