القصيده :يامرحبا مليون ياطيب الفال
يامرحبا مليون ياطيب الفال=بابن الرجال اهل الكرم والمهابه
حاضر بماتطلب عسا ايامك اطوال=يالذيب يابن الذيب يابن الذيابه
وشلون مفخر لو صل منك مرسال=افخر وسوق الشعر يمك ركابه
اشيل من شانك قويات الاثقال= ومن حترمني جيت له بالرحابه
وانا خوي اللي عن الصدق مامال=الطيب اللي ماتكدر جنابه
وكره خبيث النفس لو هو ولد خال=وراع الردا لو هو من ادنا القرابه
والطيب وهبه والمراجل بالفعال=ويبين طيب الرجل باول شبابه
كم طيب(ن)عقب سرابيت وانذال=وشر(ن)على القراب قبل الصحابه
وكم اجودين قبل مالقي البال=ماحسبوا اهل المهايط حسابه
عقب عيال(ن)ماتكذب بالاقوال= لاقال واحد قول منهم وفابه
قول وفعل ورجال في كل الاحوال=ولا يتبعون اهل الخزا والذنابه
والطيب من رب البشر ساتر الحال=والرزق قسمه والمراجل كسابه
ولاهي بكثر المال ولبخل بالمال=كم من غنين مافتح يوم بابه
المرجله للي عسا ايامه اطوال=اللي علوم الطيب دايم هبابه
لوكان جيبه ماتحصل به ريال=كرم ظيوفه في ذرا الدين جابه
شرواك يابن الطيب يانسل الابطال=شف الشعر لرسالتك وش جرابه
سقته وانا لشعر فارس وخيال=وتكونت لجلك سطوره سحابه
