القصيده :بيني ... وبين ... الشاعر / محمد سلمان
اخواني الأعزاء
كما تعلمون بأنني نشرت قصيدتي التاليه بالمنتدى وهــي
ووووووووووووووووووووووووووووووووووووووووووووووو
معجب بشخصه وتعجبنـي كتاباتـه= وسطوره اللي ذهـب لاقـام يكتبهـا
لاشفت رده علـى شعـري وكلماتـه = جات القصايـد تلاعبنـي ولاعبهـا
مميز(ن)في سلوبـه عـن زميلاتـه = هبـوب نود(ن)كريمات(ن)هبايبـهـا
شمس(ن) تشت ظـلام الليـل لاجاتـه = وديمة سحاب(ن)نفوس الخلق تطربها
جميل في مذهبـه والطـف عاداتـه = نفسه على طيـب المذهـب مدربهـا
الشعر جالك وهذا الشعـر بصماتـه = وانـت المعـزب وبعدهـا وقربهـا
يقولـه اللـي زمانـه ذاق لوعاتـه = دنيـاه بالمـر والحالـي مجربـهـا
والعمـر محـدود والفعـال لـذاتـه = وحدن يصلح واحد عكسـه يخربهـا
والوقت ماتنومـن ميلـه ودوراتـه = ناس(ن)رفعها وناس الوقت ناكبهـا
والحـر تكفيـه بالمفهـوم اشاراتـه = وانا المعانـي علـى شانـك اقلبهـا
وووووووووووووووووووووووووووووووووووووووووووووووو
وقد قام الأخ الشاعر العزيز / محمد سلمان الوهيداني
بالرد على القصيده بالرد التالي الذي شرفني كثيراً .. حيث قال
خليف اعرفه ودايم هذي اسواتـه=انفوس يلعب بها ونفوس يطربهـا
نجمٍ يشعشع بضوه فـي مداراتـه=شكرا جزيلٍ لمن هـاذي سبايبهـا
اللي تخليه يصرف مـن جنيهاتـه=لشافها قـام يصـرف مايحسبهـا
عزي لعـودٍ قعـد يفتـل شناباتـه=من عرض شيبان تفتل في شواربها
اللي بصدره يبين مـن حراكاتـه=مهما يحاول عن العالم يلـف ابهـا
لشاف نجلا العيون تضيع هقواتـه=اللي عذابه عسـى ربـي يعذبهـا
يحن قلبه علـى عمـره ومافاتـه=وايامه اللي عطة بالدرب غاربهـا
الكبر ياخليف بانت بـك علاماتـه=لكـن خــل الاوادم لاتناشبـهـا
من شاب راسه طبيعي تابس اشفاته=لوحط فيهـا المرطـب مايرطبهـا
ولو يقنص الصيد ماتثور طلقاتـه=بارودتـه ماتجمـل لـو يزهبهـا
ووووووووووووووووووووووووووووووووووووو
وقمت انا بالرد بقصيده اخرى على اخوي / محمد سلمان
حيـــث قلـــــــــت :
خليف ياصاحبي مخلـف مساراتـه=ماثور شعـوره الا عـز صاحبهـا
ماجابهـا يامحمـد مـن خيـلاتـه=عزاه لو انت تعـرف وش سبايبهـا
ماتصدق خليف لو يحلف باجاباتـه=بالمزنه اللي عليه الضفت سحايبها
اللي بلا حساب صادفها وهي جاتـه=اللي تعـرف البشـر كلـه قريبهـا
اللي على العز والمعروف صحباتـه=الصحبه اللـي نظيفات(ن)جوانبهـا
اللي عثا بالشعـور وفـر موجاتـه=ماهمه الخلق وش قالـت بغايبهـا
دامه على النجمه اللي فوق نظراتـه=ماهو على ساحتن كل(ن)يدوجبهـا
ماحسب حساب خلقه الله وغيباتـه=ولاهمه اللي نقـد فيهـا وشكبهـا
دام البحر قام يسبح فـي محيطاتـه=ومثايلـه للغـلا يشعـب ركايبهـا
على النقى والولـي يعلـم خفياتـه=اللي ليـا واجـه نفسـه يعاقبهـا
والو الرجل بس قصده سد شهواتـه=متوفره هالزمـن نفسـه مطالبهـا
ماهو بحاجه لنظم الشعـر وابياتـه=متفور الخير ليش النفـس يتبعهـا
من كل الا نواع موجـوده طلباتـه=اهـم شـي الدراهـم لايشحبـهـا
والكبر ماله دخل في رمي صيداتـه=ادواه موجـود والبنـدق يزهبـهـا
والكذب لوطـال ماطالـت مسفاتـه=راعيـه لبـد مانكبـه يطيحبـهـا
ولبـد ماتنكشـف لنـاس كذباتـه=مثل الارانب تناطـق مـن زرايبهـا
ذوقنـي الوقـت طعناتـه ونكباتـه=ولاعاد حسب وش الدنيا يصيربهـا
ولقيت كل البشر بالحكـي شماتـه=وناس(ن)تفتل على الفاضي شواربها
صح لسانك يامحمد .. وشكرا للجميع
