القصيده :جلست لي جلست عصر قبل الادماس
جلست لي جلست عصر قبل الادماس= عصيـر تــو اللـيـل مقـبـل ظـلامـه
برضآ هواءها ينعش الروح نسنـاس= والـجـو غـايــم ويـتـزايـد غـمـامـه
يشيلنـي ويحطنـي جــرح الاحـسـاس = مـن الحسايـف والـزعـل والنـدامـه
واصلت ليلي من عنى الوقت منحاس = مثـل المريـض الـلـي تـكـدر منـامـه
اللـي مـاذاق النـوم مـن قـو الونـاس = ودواه بين للاطباء انعدامه
ويسبح بحرهم(ن)بلا حـدود وأقيـاس = ولا عـاد يـدري وش خلافـه وأمامـه
من قوة أمواج العنـى شـاف الأيـاس = غـريـق بحر(ن)ماحصـلـه سـلامــه
حبت خشم خسارتـآ عنـد الانجـاس = وخسارتـآ تبـع الــردي وأحتـرامـه
خل الردي لـو للكـرم يذهـب أكيـاس = لا رحم أبـوه ولا رحـم الله عظامـه
ماقـام عـزه يــوم الاريــاق يـبـاس= رزقه علـى اللـي ينطحـون الجهامـه
واليـوم يبغـا العـز يامـال الـفـلاس=عقـب لبـس ثـوب الـردا و المـلامـه
الرخمـه اللـي مايحـسـب لانـومـاس=أبـن الرخـوم اللـي كستـه الرخامـه
في ذمتي مايرفع أبـن الـردا الـراس= لـو هـو كـريـم وزايــدن بالكـرامـه
بانـت علامـة القيـامـه مــع الـنـاس = بـايـا زمــن يمـكـن تـثـور القيـامـه
قام الـردي ينقـد علـى طيـب أسـاس= والحـر فـي صيـده طمعـت الحمامـه
