القصيده :من قصائد الموقع .. انا .. والشاعر/ محمد سلمان الوهيداني
.
محمد سلمان الوهيداني .. هذا الشاعر المبدع عندما
سجل في منتدى الكفه .. اتحفنا بالابيات التاليه
ورديت عليها بعدة ابيات .. وهو يستاهل كل خير
يقول محمد :
جديد جيت المنتدى الكفه وتوي مابديت= سلام ياوسامة الكفه ويازوارها
يا هل الفعول اللي لها في هامة التاريخ صيت=اشعارها الكفه ويفنى الكون واهو اشعاعرها
ردة وفى مني لكم في كل حرف وكل بيت=من شاعرٍ في منتدى الكفه ومن شعارها
-------------------------------------------------------------------------
اعجبتني ابيات شاعرنا المبدع/ محمد سلمان الوهيداني
فرديت عليه بالابيات التاليه :
يامرحبا بك يامحمد بين ربعك يوم جيت = في موقع الكفه ودارك يامحمد دارها
انته سلكت اقسى الدروب وفي النهايه ماغديت = وصلت لاخر رحلة(ن) تو ابتدى مشوارها
من موقع الكفه ترى مبداك من حيث انتهيت = جمع حطبها من هنا وهناك واقبس نارها
اهلا هلا بك بيننا وان بعت فيها او شريت = حنا زباينها والى سمنا تزيد اسعارها
وايضاً ترانا ننبسط ونشوش لامنك رضيت = رضاك طب انفوسنا ويزيح عنها اكدارها
ويامرحبا بك ياهلا مليون مره يوم جيت = في موقع الكفه ودارك يامحمد دارها
