القصيده :لاوعذابي كل ماروح
لاوعذابي كل ماروح للسوق =والمشكله لاصرت داخل ممره
واقبل يسوق اخطاه والمشي برفوق=كنه يقول لي يابن الاجواد حرة
العنق عنق الريم واليل والموق=تشوف فيه من اسود الكحل ذره
والخد قطنه والمبيسم به بروق= سبحان من صور جماله وسره
واليا حكيته صد مأمنه منطوق =خجول حكي وطرف لله دره
ماهي من اللي بين لاحق وملحوق =هذا تطالع به وهذا تمره
مصيونتن في بيت ابوها عن العوق =ماجرها راع الهوا في مجرة
بنت الرجال اللي حموتالي النوق =اللي حموها يوم الارياق مره
من حين شفته رحت فيها يابوشوق =انا اشهدن القلب معها تجره
اخذت لي توقه وانا ماعرف اتوق =وافتر دولاب المعاليق فره
لولا الحيا جريت موال بالسوق =وخليت كلن يستمع في مجره
وان قالواهل السوق مجنون مطفوق =اقول هذا اللي بلاني بشره
الشاعر / كاتب الرفديمه
