[ماغير اناوياك....]بقلم:عبيد دعيع القلادي: [مجاراتي الشاعر مبارك نافع]بقلم:عبيد دعيع القلادي: [فر وكر ومنوشات ساخنه]بقلم:عبيد دعيع القلادي: [قصيدة عبيد الله دعيع وردي عليه]بقلم:عبيد دعيع القلادي: [اهددددداء ]بقلم:أحمد عبيد الهنيدي: [نفرح بخوة كاسبين النواميس ]بقلم:عبيد دعيع القلادي: [يازعل لامنك بليت بحب عمهوج ن صغير= اقببل عليك بزينه يزم العواطف كلها ]بقلم:أحمد عبيد الهنيدي: [الـبارحـه ]بقلم:الجريح: [منوعااات]بقلم:أحمد عبيد الهنيدي : [رد على عبيدالله دعيع القلادي الرشيدي ]بقلم:الجريح :
التسجيل الآن
من ابيض الحره ================= قال الشاعر / مسلم عبدالله الحمد الرشيدي هذه القصيده يخاطب فيها الشاعر عايد السندي والشاعر / نجا الرشيدي ------------------------------------ من أبيض الحره إلي ساحل السيف = تـوجهـي يـارسالتي بـالامـانـه من دار عبس معطرين المراهيف = حـدب السيوف اللي شطير ٍ أسنانه إلي دار مرويت القنا بالغطاريف = دار الصباح اللي شملني حنانه خصيلي رجال النقا وأهل الكيف = من روس قو م ٍ ما دخلهم خيانه عايد ولد سندي حكيم العواريف = نجم الجـدي اللي رفيع ٍ مكانه ونجا سنادي عن ذوار العواصيف = ما غيره مر السنين وزمانه ربعي بني عمي رجال المواقيف = اهل الوفا ماهي ربوع الخيانه مفرقت بالكون ربع ٍ مواليف = يقولها الحربي بعقل ورزانه وخلاف ذا دنيت بعض التحاريف = للعاقلين الفاهمين التكانه يافهمين اللغز اريت لي طيف = درس ٍ يضيق طالبه بمتحانه عيا الشراع يسير دون المجاديف = ابغاه مثل الاوله بعديانه راح الربيع وقربت كنُت الصيف = وأشوف بعض الناس كثر انسيانه عسى بجاه مصرف الامر تصريف = اللي فرق خلق البشر في بنانه يديمكم يا محتمين التكاليف = من شر لوعات السنين وهوانه وصلوا على سيد البشر مكرم الضيف = ماطاف بالبيتين بأعلا مكانه يوظف المعنى عايد السندي يرد على مسلم عبدالله الحمد --------------------------- اهلا هلا عداد وبل المقانيف = وما رفرف القمري وزان العبانه باللي دفع بالقاف مزح وعجاريف = ابيات حلوه من حرايض السانه من أبيض الحره طويل المشاريف = مواقع ٍ كنه ظهر سلحفانه عسف بكار الشعر بالفكر تعسيف = وروض صعبهن لين زان اعسفانه يوظف المعنى على الكيف توظيف = ويطلق الجزلات المثايل عنانه حكيم راى يصرف القاف تصريف = النادر اللي خصنا في بيانه شاعر وأديب يصنف القاف تصنيف = ياخذ من العد الروي ريهجانه عليه وصف أشقر عديم التواصيف = شقران للعليا سريع أكفخانه نجل الرجال أهل السيوف القواطيف = عوق العديم اليا تزايد اجنانه أسود غاب تحطم الضد وتخيف = وعن الردى والعيب معهم حصانه يابن حمد ريف الضيوف المهاجيف = بالطيب تفرضها علينا ميانه وحنا سنادك عن هوا لاهب الهيف = اليا ذل خطو الهيس والإمعانه ويا بن حمد فسر لي اللغز والطيف = خرب الردار وضاعت الاسطوانه وعرضتها لكبار بعض العواريف = قالوا تعرفه كان عندك فطانه السيف واحد والخطا ما هو بالسيف = وعليك تفهم قبضته من سنانه شمال من طيبا نجا الرشيدي يرد على مسلم عبدالله الحمد وعايد السندي -------------------------------------------- اهـلاً هـلا قـدرومعــزه وتـشـريـف = بـرسـالتـن فـيهـا تـشـره ميــانــه عـداد بـراقــن سـرالـه رفـــاريــف = من مدلهمـن سامـرن بـرعــدانـه جتني من اقصا نجد حلوالمصاييف = شـمـال من طيـبـا مغـن الديـانـه من واحدن وصف بمعـناه تـوصيف = اخـذ من بيوت الجزالـه اسمـانه ماحرف المعنى عن الصح تحـريف = حكيم يفهـم زايـده وانـقـصـانــه مسلم عضيدي ضد ناسن مـزاهيـف = ليـازمـر راع الخـطـا واللـعــانـه خصمه يحـايد عـن مـلاقــاه ويعـيـف = كم من شجاعن داس خده وهانه والحـلـم فـسـرته رجـالـن عـواريــف = تـفـسـيـرواضح يامسلم بـيـانــه عـيـنـاك يامكـرم خـويـه عـن الحـيف = لياجنب الواجـب كثير الحـرانـه وشـفـي بشوف اللي يهلـون بالضيف = مسيحـت فـوق المفطـح دهـانـه اهـل الـدلال المـكــرمـات المـهـاديــف = عـدوهم يـرضخ ويعلن طمـانـه معهم دخيل البيت والضيف فـي ريــف = حلويـن مرينـن بطيـب وليـانـه بني رشـيد ان صارخـوفـن وتخــويـف = ماهمهـم صوت العدو وانبحانه سـمـن عـلـى كبـد المـعـادي نـواتـيـف = اتطـوعـه حـتـى يـزين مشـيانـه واسـلم عـسى يفـداك ناسـن هـذالـيـف = حلوين اللاسـن فـاسدين البطانه بقلم : الاسم نجا مفلح الرشيدي
