القصيده :البارح الافكار جتني كتايب
البارح الفكار جتني كتايب=في ساعة ن وحده عليه تلا فن
والقلب هبت له شمال الهبايب=لين الضلوع الي على القلب لجن
ياقلب لاتسمع لكثرالغرايب=مافيه حاجه تشغل الفكر والضن
لاتستمع لمكثرين النشايب=بالله عليك لتستمعلي وتستن
سلبي ويجابي من جميع القرايب=ولاعاد تنشد هن ويش قاله هن
خلك مع الي يتعبون الركايب=الي ركايبهم على الطيب يمشن
اهل الكرم وطيب واهل النوايب=الي لهم باطيب سيوفن يحدن
والعب وخل الوقت لعب وطرايب=قال المثل لاضقت ياصاحبي غن
انا ترى شعري يسوي عجايب=اكسيه من نوع الذهب واتفنن
شعري يعانق نايفات السحايب=مثل الرعود الي بغيمه يلجن
يروي ضمى جاهل وعاقل وشايب=فرايده ماهن مع الارض يمشن
فرايده شرد مهارن صعايب=ليا حضرن في جاش صدري يلوجن
يامكثرين الهرج ماني بهايب=وشعاد لو كثر السوالف يمرن
لشعر وهبه من عزيز الوهايب=الله ولا يعطيه ناسن مجنن
حده مثل حد السيوف الرهايب=الي يقصن العظم حين يهون
كم واحدن منهن ضلوعه حطايب=ومن الردى فيه القصايد يغنن
وكم واحدن حطت عليه النصايب=وبيوت شعره بلوازم يعدن
وتمت بذكرالي يفك الكرايب=الواحد الي خالق النس والجن
الشاعر/ كاتب الفديمه الرشيدي 
