القصيده :يامرحبا بصاحب الكفه وبحضـوره
يامرحبا بصاحب الكفه وبحضـوره=ترحيب من سر ضيفه يوم رحبـه
كريم يمنن لـه الفعـال منشـوره=ويثني التراحيب بالفنجال لاصبـه
من مجلسه كل نفس تروح مسروره=ولحل طاريه ماحدن بالفعـل سبـه
وله فعايل بوقت الضيـق مخبـوره=ماصد عن طالب الفزعه ولا كبـه
يشعشع الطيب من طيبه ومن نوره=وامثال كسب المراجل دوم تضربه
مساعداللي سعى بالطيب وبحـوره=حتى النتقا الدره اللي من ورا الغبه
في صدرها الشكر من ربعه وجمهوره=امثال شكر و ثنى لطيـب تكتبـه
