القصيده :ونتي ونت اللي ماشين حافي
ونتي ونت اللي ماشين حافي=ونت حزين(ن)وطاه الفقر مع دينه
يون من حالته لو كان متعافي=مابه وظيفه تسد الدين وتعينه
وبينه وبين القرايب مصدر خلافي=لو غاب محد(ن)نشد عن غيبته وينه
او ونت اللي بغيبوبه وبسعافي=من حاذث(ن)منه صارت حالته شينه
من ضيق بالي وجون ماهو لي صافي=ووقت(ن)تقل به عادوه بيني وبينه
همي فراشي وهاجوسي لي لحافي=وكني مكلف باعد الوقت وسنينه
وين انت اللي بك المعروف ينشافي=وين انت ياللي كريمه مدت ايدينه
ياللي بكل العلوم الطيبه وافي=يافزعت اللي على الشدات ناخينه
وله حزت الضيق والشدات ميقافي=وعلم المراجل مع اصحابه عناوينه
والطيب عنده يقف لاجاه ماطافي=لا انه مع الطيب راجحت(ن)موازينه
انخاك تكفى وتكفى يابن الاشرافي=فزعتك والدين باذن الله قاضينه
مكان هذا هواء نفسي ولا هدافي=وماجا من الله والكتوب راضينه
