القصيده :سلام ياريف القرابـه والاصحـاب
سلام ياريف القرابـه والاصحـاب=يالطيب اللي مالك حدود بالطيـب
يارافع(ن)راس القبيلـه والاقـراب=ياللي بمدحك ياقف الشعر ويشيـب
ياناشدن عن حال صاحبك لاغـاب=لو ان مالـك مـن وراه المطاليـب
ياللي بابنك الطيب لك مال وحساب=ياحر يامشـرف طـوال المراقيـب
عرفك وسام وخوتك مال واسباب=لكسب المعالي مع كرام الاشانيـب
ومن ماذكر طيبه وهو بالعمر شـاب=عليه راح الطيـب لابيـن الشيـب
واحدن عنه ينشد ويفقد ليا غـاب=وحدن ماحدينشد عنه قبل لايغيـب
والا انت عبدالله تنومس ولا تهـاب=تاطا الخطر لجل المراجل كمالذيـب
الرد عبدالله الجزلاني
من دون ما ارحّب ! وابادلْك الإعجاب =تنساق مع كل التفاته .. تراحيب
شهرين افك ابواب .. واقفّل ابواب=واقول وين ( خليف ) راع المواجيب ؟
ارسل على الطيّب .. مناديب وكتاب=والا الردي .. ما له كتاب ومناديب
إليا حضر ما ننشد الناس .. وش جاب=وان غاب .. غابت معه كل العذرايب
من رافق اهل الطيب باسبابهم طاب=ومن رافق العايب .. حصيله .. من العيب
وسنينا هذي قصيرات وصعاب=نمشي .. وحنا نخطي الدرب وانصيب
ما عاد نفرق بين صادق .. وكذاب=ومدوّرين الطيب .. دايم معاطيب
دنياً لها فآخر مداها تقلاّب =يا خوك .. وضع الناس يحتاج ترتيب
وانته يا بو فيصل للأمداح كساب=رِدّ الهَدَس بالطيب والا المشاعيب !
