القصيده :المرجله ماهي كرسي وتاج
ياشينها لا صرت لنـاس محتـاج
وأقرب قريب ٍ مايفل الحجاجـي
يتبعك هرج ٍ ماتحصلـه أعـلاج
يحرق عزيز النفس حرق البواجي
ياللي تحب الهرج لاجاك منعـاج
وتسب خلق الله وبيتك زجاجـي
تشوف بحر الطيب قدمك ولاهاج
حاول تجنب دام تلقى خراجـي
هذي نصيحه قبل لاطيش الامواج
معها بروق أتلوح ومعها عجاجي
هرج القفى ماهو مراجل ومنهاج
ولاحطه الطيب ولا بـه داجـي
والمرجله ماهي على كرسي وتاج
أقولها ياهل الوفاء مـن مزاجـي
وياشينها لاصرت لنـاس محتـاج
تترك قراح الماء وتشرب هماجـي
