القصيده :المال لو كرم عيال الرخومي
سبحان من بمره تكون الغيومي=مسق اديار المسنيه بالسحابه
اللي فرق بين القمر والنجومي=ورسل رسوله للبشر في كتابه
اللي له المسلم يحج ويصومي=ويرجي منه عفوه ويطلب ثوابه
شديد بحسابه لطيفآ رحومي=في عبده اللي خالقه للتجابه
والدايم الله والبشر مايدومي=والرابح اللي سالمآ من عذابه
والخلق فيها موفقآ ومحرومي=ورزقن من الله ماحدن صك بابه
كم طيبآ عقب عيال(ن)رخومي=وكم من شجاعآ طالع(ن)من خرابه
رجل(ن)تحسبه ذخر وقت الزومي=ويقض الزوم وله حساب ومهابه
ورجل(ن)يزينه الحكي والعلومي=:وقت الرخا ذيبآ يكشر بنابه
ولا يلبس الا غاليات الهدومي=وبالحكي محدن حول حضرت جنابه
ولا سمع بالفزعه وطريا هجومي=في وقت غفله نس محدن درابه
ورجل(ن)بحر كل(ن)بوسطه يعومي=ومن لا حسب لحساب موجه غدابه
ورجل(ن)ونيس ولربايع خدومي=وماتطلب الحرمه على طول جابه
والمال لو كرم عيال الرخومي=القل ماعيب عيال الذيابه
وكل الطيور لها جناح وتحومي=وبالريش ولجنحان فيها تشابه
وفي وسطها نادر وباشك وبومي=والحر منها كل رجل(ن)شقابه
