القصيده :هالليل غير وقبله البارحـه غيـر
هالليل غير وقبله البارحـه غيـر=اثر الليالي تختلف عـن بعضهـا
الله يذكر ليلـة السبـت بالخيـر=ليله جميلـه ونتمنـى عوضهـا
ليله تساوي الـف ليلـه بتقديـر=مع الذي نفسي قبالـه غرضهـا
اللي بنظراتـه يساوالـي اطيـر=اليا جلس ثـم الجدايـل نقضهـا
امشي معه فاقد وعي وين مايسير=ولا اخلف قوانين عليـه فرضهـا
وليا هرج جاني تبنـج وتخديـر=لمن حلـوات المثايـل عرضهـا
وكفه وكر وانا على كفـه الطيـر=طير(ن)سبوقه كف يـده قبضهـا
وهرجه حليب ابكار وضح ومباكير=من ذود شيخ(ن)من غلاها حفضها
ماباعها مـن غلوهـا بالدنانيـر=لو هي ملايين المبالـغ رفضهـا
ياصاحبي دنياي بغيابـك اتصيـر=دنيا الحيـاه الله عليهـا قرضهـا
