القصيده :مشيت من عندك وانا ضايق البال
مشيت من عندك وانا ضايق البال=ودي عنك ماغيـب حتـى دقيقـه
وناطحني الهاجوس والضيق زلزال=ساعة مشيت وشب فيـه حريقـه
والموت كان غيابكم عقبها طـال=غرقت ببحـور الهمـوم العميقـه
ياليتني في وجنتـك حبـة الخـال=والا الزمام اللـي جذبنـي بريقـه
والله لك مانـي كذوب(ن)بالقـوال=ولاحب من طعم الخيانـه ابريقـه
اقسم بمن نزل تبـارك والا نفـال=ان الكـلام اللـي اقولـه حقيقـه
انت الذي لك داخل القلـب منـزال=وغيرك على قلبي مقفـل طريقـه
ولومات حبك داخل القلب مـازال=انت الذي تجلا همومـه وضيقـه
تشكي حوالك لي وشكي لك الحال=ونفسي بابحر الحب عندك غريقـه
اغليك انا واغليك يازيـن القبـال=ليت الغلا بالقلـب عينـك تويقـه
ليته بشكل رسالة(ن)وسط جـوال=وتفتح رسايل بعدك اللي ماطيقـه
كان الحياه بشوف الابنا والامـوال=حلـوه تخليهـا بقربـك رشيقـه
ليت الخفى مكشوف مع كل رجـال=حتى الصديق يشوف خافي صديقه
والا انت قهويتك من الشوق فنجال=وقصايدي عنـدك لحبـك وثيقـه
