القصيده :ارسل ويمـك ماحسبـت الرسايـل
ارسل ويمـك ماحسبـت الرسايـل=ومن كثرها محصيت يمك عددها
وبنيت لـك مدينة(ن)كبـر حايـل=ودولة غلا وانته مؤسـس بلدهـا
وعرف معي غـلاك دايـم وطايـل=في عشرت(ن)خذيت مني سندهـا
اعلن غلاك ولا حسب قـول قايـل=وفي ماتبي اتبعـك خذهـا وزدهـا
وبالظل احطـك ونثنـي للقوايـل=قل لي بعد وش تطلبه من بعدهـا
لياذكرتـك قمـت اجـر المثـايـل=والهم والهاجوس نفسـي هجدهـا
قلبي معك والعيـن يمـك تخايـل=ماخايلت غـر المـزون ورعدهـا
وبرق وربيع وبـر رائـع وسايـل=ماصدها عـن صاحب(ن)مافقدهـا
عليك وجدي وجد من جـاه عايـل=وساقه من السرعه وعضده حصدها
او وجد من حظه على طول مايل=عجـز حياتـه لا يحقـق سعدهـا
اوجد من شافـت عـذاب ونكايـل=ام(ن)توفـى بالحـوادث ولـدهـا
عليك ياوافـي جميـع الخصايـل=لو ماوفت نفسك علـي ابوعدهـا
تكفين والا العمر لو طال زايل=رؤفي بنفس(ن)قام يقبـل نكدهـا
