القصيده :الله من قلب(ن)عنى الوقت باريـه
الله من قلب(ن)عنى الوقت باريـه=وعين(ن)سهرها مايفارق بصرهـا
وقلب(ن)همومه والهواجيس تكويه=ولا سرته حلـو الليـال ومطرهـا
هم(ن)يصبح بـه وهم(ن)يمسيـه=وهموم(ن)اخرى غارق(ن)في بحرها
وضيق(ن)معه دايم خوين مخاويـه=بذرة شجرته في ضميـره بذرهـا
لكن مع هذا نسـى القلـب مافيـه=ونسى الظروف اللي تزايد خطرهـا
من يوم شاف رسالت اللي مخليـه=بالمنزله فـوق النجـوم وقمرهـا
اللـي عسـى الله مايكـدر لياليـه=ويسهل ادروب(ن)بارجلـه عبرهـا
اي والله افرح في رسايلـه وغليـه=ونزله وسـط العيـون و نظرهـا
وسط العيون وفوقه الرمش اغطيه=وخفيه عن قشر السنيـن ودهرهـا
يالله ياللـي ميـت العـود تحييـه=ومحي الدهور اللي ميبس شجرهـا
اتوفق اللي وصل الاقـراب راعيـه=اللـي مواصيـل الغـلا ماقصرهـا
