[ماغير اناوياك....]بقلم:عبيد دعيع القلادي: [مجاراتي الشاعر مبارك نافع]بقلم:عبيد دعيع القلادي: [فر وكر ومنوشات ساخنه]بقلم:عبيد دعيع القلادي: [قصيدة عبيد الله دعيع وردي عليه]بقلم:عبيد دعيع القلادي: [اهددددداء ]بقلم:أحمد عبيد الهنيدي: [نفرح بخوة كاسبين النواميس ]بقلم:عبيد دعيع القلادي: [يازعل لامنك بليت بحب عمهوج ن صغير= اقببل عليك بزينه يزم العواطف كلها ]بقلم:أحمد عبيد الهنيدي: [الـبارحـه ]بقلم:الجريح: [منوعااات]بقلم:أحمد عبيد الهنيدي : [رد على عبيدالله دعيع القلادي الرشيدي ]بقلم:الجريح :
التسجيل الآن
النـادر الـوافــي قصيده للشاعـر/ مسلم عبدالله الحمد الرشيدي يخاطب فيها نجا الرشيدي ------------------------------------------------ بـديـت بـاللـي عـالمن بـالخـفــيــــات = الــواحــد الـلــي كلـنـا نـلتجــيـلـــه المعتـلي من فـوق سبع السمـــاوات = محي الفـياض اليابســات المحيلـه ومن بعدهـا هـات القـلم والسجـــلات = واكتب بحلوات البـيــوت الجـزيلـه واسرح على اللي صمموه الخواجات = فطس الخشوم مهندسين الحصيله ورد على الساير بشـيـك وضـمـانــات = من مصنعـه مادق سلـفـه ويـلــه لكـزس لياحافـه هـل الصنـف والــذات = جميع مـايملك رمـاه بـسـبـيـلــه فـكـه مــن المعـرض وشــد العـلامـات = وكمـل تمـاريـنه وجهـز رحـيـلـه لـيـامـشــــا يطـوي بـعـيـد المسـافــات = كـدريـتـن تـرخ المتـون لمقيلـه نصــه لبـوفـيصـل زبــون المـلـمــــات = نجـا ليـابــار العـمـيل بعـميلـه مـاعـادفــيهــا عـنـك يــالحــرصــــدات = بليهان شيال الحمول الثـقـيلـه بسـتـرشـدك واسـتـنصحـك بالمهمات = هـداج تـيـمـا مايساوالثمـيـلــه اشـوف هـذا الـوقـت فـيـه الغـيــارات = عمـلـه تغـيـربين يومن وليلـه وين الرجـال اهـل الوفـاء والمــروات = اهل المواقـف كاسبـين النفيلـه راحـت فـعــايلهـم حـلـوم وخــرافـــات = الشـكـوا لله مافـلـيدين حـيـلــه اســتـبـدلـت باهـل الجـفـا والحـيـالات = اللي على الغرات يومي شليلـه ولي مع اهل الطيب مغــزى وجــولات = والاالردي عيبن علي انثـنيلــه لـنـي خـذيـت من التجـارب دراســـات = والتجـربه طب الكبود العـليلـه بعـت وشريت وسمت في سوق هيهات = من ذاق حلوه مانسا حنظـليلـه ولـي عـمـيـلـن غـــاب عـني سـنـيـات = قصربرجله عن مواجه خليلـــه وانــاعـلى مثـلـه كـثـيـر الحـسـافــات = لـون ماجـا من طـرفـنا غـليلــــه النــادرالــوافــي رفـيع المــقــامـــات = من الرجال اهل السيوف الصقيله والحــرمثـلـك يـفــتهــم للـشـــــارات = كلـن عـلـى رايـه وعقـله دلــيـلــه وخـتـامهــا عـنـبـر ومسـك وتحـيات = مني لبوفيصل سعـد من يجــيلـــه وصـلاة ربــي عـدالاحـيـا والامـوات = على النبي اخيرواحسن فضيلــــه خـل الــزمــن نجا الرشيدي يرد بهذه القصيده على مسلم الحمد الرشيدي --------------------------------------- الفـن هلا مع مثـلهـن عشـرمــرات = وعـداد ماهـلت مـزون المخـيـلــه بـرسـالتـن فـيهـا بـيـوتـن جـزيـلات = جتـني من مسلم بـيـوتن جزيلـه رحـبـت في منـدوب راع الحـميــات = وقـدمـت للمنـدوب بنه وهـيـلــه ومدالخطاب وقـال لي خمس كلمـات = بين من القصه رموزن قـليـلـه مسلم لـه حقـوقـن عـليه وشـرهــات = يمكن تعوض مافـقـد فـزعـتيلـه الطـيـب فـي شـرواه مابه خـسـارات = اهوالصديق اللي شملني جميله لـــواجـتهــد مـــارد ربـع الجـمــالات = ماقدر جزاء من بالمراجل دليله يالحـرالاشقـرلك على الصيد هومـات = برقـن مصالف عـنـك لاتستخيله مـادام مــاجــا مــن تـــوالـيـــك زلات = مانت بوريث ادم ولاانت بوكيله وان كـان للصاحـب قـدايـم وقــفـــات = اجعـل له النفس القــويـه ذلـيـلـه يمكن جـراء من جـايرالوقت لوعات = ولااغـدروه اهـل النمـايـم بحـيـلـه ظـرف الـزمن مابـيـن ليله وساعات = لـواشـرح القصه تعــود طـويـلــه وان كان بالموضوع روحـه وجيـات = ابـااتجـهـز للسـفـر واعـنـيـلــه نـبـي نسـايـسهــابـيـســـروسـهـالات = ونجرب الموضوع باسهل وسيله حـتـى تـزيـن وتـسـتـمـر العــلاقـــات = وتصفي على ماتشتهـيه وتـبـيله ان كانهـا بالمـال مـن دون فــزعــات = الحمـل لويثـقــل عـلي ارتـكـيـلـه وان كان فـيهـا يـابـوبـداي نخــــوات = ابـااعـتـزي وانخـا نـواد القـبـيله ولاتــراقــب الــدنـيـا بـغـــاره وردات = خل الزمن ماضي بدوره وجـيـلـه خـلـك بـدوراليـوم عــن فـايـتـن فــات = اللي مضا صعـباً يجـيـك وتجيلـه ولاتـواخـذ اللـي فـيه زلـه وهـفــوات = جنب طريق اهل القـلوب العليلـه الناس فـيهـا اجناس حسنه وسيــات = وناسن تصرف في عقولن هبـيله للــوقــت دوراتـن وللـنـاس عــيــلات = لابـد مـاياتي من الناس عـيــلـه ناسـن تعـيـش بهـالـزمــن بالملــذات = وناسـن تجـرع مـرمع حنظـليـلـه بعـض البشـرماحـاش بالعمرطـولات = تركض على غـرات الاجـواد خيله دروب المراجل لااكثرالناس عسرات = حـضـايهــن عـده يصــالـي مليـلــه ومثـلـك خـذيـت بجـورالايــام دورات = نسـيان جـورات الـزمن مستحيلــه الـي بوقـتـن فــات جـولـه وصـولات = واليـوم بـدلـت الشـقـى فـي بـديـلـه ريحت رجلي عـن مماش المتـاهـات = وارتحت عن ممشا الـوعـروالخـميله اسـلم عساك بعـز فـي كـل الاوقـــات = راع الـوفـاء يـابـن حمـد يـنسـعـيـله بقلم : الاسم نجا مفلح الرشيدي
